Общенациональная газета
Республики Ингушетия

«ГIалгIай Республика паччахьалкхен доалахьен урхалдарах долча» ГIалгIай Республика Закона  хувцам  юкъебахьара  хьакъехьа

ТIаийцад 

ГIалгIай Республика

Халкъа Гуллама                               2025 шера саькура бетта 27 ди

Статья 1

«ГIалгIай Республика паччахьалкхен доалахьен урхалдарах долча» 2009 шера оагIой бетта 11 дийнахьарча №59-РЗ йолча ГIалгIай Республика Закона (газет «Сердало», 2009 шера оагIой бетта 19 ди; газет «ГIалгIайче», 2011 шера ардара бетта 6 ди; интернет-газет «ГIалгIайче» (www.gazetaingush.ru), 2023 шера наджгоанцхой бетта 11 ди) хувцам юкъехьо 22 статья Iобелгалъяьча редакце дIа а язъеш:

«Статья 22. ГIалгIай Республика паччахьалкхен доалахьара  рузкъа дохкари эцари

1. ГIалгIай Республика паччахьалкхен доалахьара рузкъа, цу даькъе предприятена тIачIоагIдаь а, боахама леладара е оперативни урхалдара дола дIа-хьа хьош доацар а, дохкар кхоачашду Российски Федераце а  ГIалгIай Республика а законодательствоца  нийса.

2. Паччахьалкхен унитарни предприятей, паччахьалкхен учрежденей бокъо я шоашта тIачIоагIъяь боахама лелаяра е оперативни урхалдара  йола ГIалгIай Республика паччахьалкхен доалахьара объекташ йохка, духхьала аукционе е конкурсе гIолла йохка федеральни антимонопольни органо оттаяьча аргIанца нийса. 

3. ГIалгIай Республика паччахьалкхен доалахьара объекташ аукционе е конкурсе дIайохкара юххьанцара мах белгалбу рузкъан мах хоадабарах йолча отчетаца Российски Федераце мах хоадабарах долча законодательствоца нийса.

4. Нагахьа санна ГIалгIай Республика паччахьалкхен доалахьара объекташ хийраяьхача, паччахьалкхен унитарни предприяти, паччахьалкхен учреждени бокъо йолаш я мах хоадабарах йолча  отчета экспертиза дIаяхьар вIаштIехьдаккха Российски Федераце мах хоадабарах долча законодательствоца нийса. Нагахьа санна рузкъан мах хоадабарах йолча отчета экспертиза дIайихьача, хийрадаккхарах бола соцам тIаэцар могаду эспертиза чаккхе духхьал могаеш хилча. 

5. Республикански бюджета ахчаех ГIалгIай Республика паччахьалкхен доалахьа рузкъа хьаэцар могаду ГIалгIай Республика Правительства соцамах болх беш долча законодательствоца нийса.».

Статья 2

Ер Закон низаца чIоагIденна болх бе долалу, ер официально кепатеха  итт ди чакхдаьннача дийнахьа денз. 

   ГIалгIай Республика                                

           Мехкда                                                               Келаматнаькъан М.М.

  г. Магас

2025 шера тушола бетта «19» ди 

          №6-РЗ