Общенациональная газета
Республики Ингушетия

ГIалгIай Республике заIапхошта балха моттигашта квотировани яра  хьакъехьа

ТIийцад 

ГIалгIай Республика

Халкъа Гуллама                               2025 шера тушола бетта  27 ди

Ер Закон вIашагIделлад Российски Федераце Конституце,  «Российски Федераце бахархой къахьегамах долча» 2023 шера оагIой бетта 12 дийнахьарча, №565-ФЗ йолча  а «Российски Федераце заIапхой социальни Iалашо ярах долча» 1995 шера  шера лайчилла  бетта 24 дийнахьарча, №181-ФЗ йолча а Федеральни законашца, Российски Федераце Къахьегама кодексаца  нийса,  ГIалгIай Республике заIапхошта балха моттигашта квотировани яра бокъони вIаштIехьдаккхареи лардаш оттаяра.

Корта 1.   Юкъара положенеш

Статья 1. Укх Законе пайда эца керттера кхетамаш

Укх Законе пайда эцаш леладу Iобелгалдаь керттера кхетамаш:

1) квота – лорий-социальни экспертиза  чаккхе йолча къахьегара аргIах  рекомендацеш йолча заIапхошта, кIезигагIа йолча балха моттигашта квотировани яр (болхлой юкъера лаьрхIача списка процентех), уж балха дIаовттабе декхарийла волча болх лушволчо, цу организаце дIаовттабе а безаш;

2) заIапхошта балха моттигашта квотировани яр – заIапхой балха моттигашта квотировани яр организацешка заIапхой балха дIаэцаргболаш;

3) заIапхой балха дIаэцара лаьрхIа йола балха моттигаш – къахьегам вIаштIехьбаккхара совнагIа къахьега дезаш, цу юкъе керттереи гIоннеи йола оборудовани, техническии вIаштIехьяккхареи кхоачо елга, совнагIа кхоачо елга, заIапхой индивидуальни аьттонашка хьежжа технически кхоачамашца Iалашо а еш.

Статья 2. Укх Законах пайда эцара сфера

Укх Законо дер дIа-хьа дарж ГIалгIай Республика доазон тIа къахьегаш болча болх лушбарий, цар вIашагIтохара–бокъон кепаш а доалахьен кепаш а теркаме ца эцаш, ГIалгIай Республика доазон тIа организацей болхлой, ГIалгIай Республика паччахьалкхен Iаьдала органий  а моттигерча шедоалдара органий а хьакъехьа, къаьстта социальни новкъостал эшаш болча, вахара халонаш хиларах болх лохаш бола  наьха хьакъехьа.

Корта 2. Балха моттигашта квотировани яра хьалаши аргIеи

Статья 3. ЗаIапхошта балха моттигашта квотировани яра          хьалаш

1. Лорий-социальни экспертиза федеральни учрежденеша заIап хилара тешал даь болча а реабилитаци яра индивидуальни программаца  къахьегар могадаь болча а, заIапхошта балха моттигашта квотировани яр кхоачашду Российски Федераце Правительствос белгалъяьча аргIах а, хьалашца а.

2. Болх лушбараша, цар вIашагIтохара-бокъон кепаш а доалахьен кепаш а теркаме ца эцаш, заIапхой юкъарлен объединенеш а цар вIашагIъехка организацеш а цу даькъе боахама товариществаш а уставни (вIашагIтеха) капитал заIапхой вIашагIтехача ахчаех латтараш ца лаьрхIача, квотировать деш йола балха моттигаш шоай доалахьарча рузкъах Iалашъю.

Статья 4. ЗаIапхой балха овттабара  квота оттаяр

1. ГIалгIай Республика доазон тIа къахьегаш болча болх лушбарашта, шоай болхлой таьрахь 35 сагал совнагIа дале, квота оттаю заIапхой балха дIаэцаргболаш, болхлой списка юкъерча боарамах шин процента боараме.

ЗаIапхой балха дIаэцара оттабаь боарама юкъе лоархI хьалхагIа дIаийцача  заIапхоша къахьегара моттигаш а.

2. ЗаIапхой балха дIаэцара оттаяь квота дIалархIара болхлой таьрахь белгалду списка юкъерча боарамах дIаяхача кварталах, болх лушволчун Российски Федераце кхыча субъекташка йолча предствительствашка а, филиалашка а, къахьегаш бола болхлой  дIа а ца лоархIаш. 

Болхлой списка юкъера боарам дIалоархI статистика хьакъехьа уполномоченни йолча кхоачашдара Iаьдала федеральни органо белгалъяьча аргIанца нийса. ЗаIапхой балха дIаэцара оттаяьча  квотах балха моттигаш дIалоархI таьрахьа бIарчча чулоацама боарамга кхаччалца  кIезигъеш. Нагахьа санна оттабаь квота боарам цхьанел кIезигагIа хилча, квота чулоацам цхьанне  боараме дIанийсбу. 

3. Болх лушволчун заIапхой балха дIаэцара квота оттаю предствительствашта, филиалашта  уж тIайолча  Российски Федераце  субъектий законодательствоца нийса, болх лушволчун  цу тайпарча предствительствай а филиалий а болхлой дукхала таьрахьа списка юкъерча боарамах дIаяхача кварталах.

4. ЗаIапхой балха дIаэцара квота лоархIача хана, болхлой дукхала таьрахьа списка юкъерча боарамца дIалархIац, шоай балха моттигашка зене а (е) кхераме хьалаш дола балха моттигаш, уж балха хьалаш лаьрххIа тахкара чаккхенашца нийса.

5. Болх лушбараш мукъа бутт заIапхой балха дIаэцара оттаяь  квота  кхоачашъе ца езаш:

1) нагахьа  санна болх лушбараш  заIапхой  юкъара объединенеш а цар вIашагIъехка  организацеш а  хилча, цу  даькъе боахама товариществаши юкъарленаши  хилча цар  уставни (вIашагIтеха)  капитал заIапхой юкъарлен объединене ахчаш хилча;

2) болх лушвар оттаме ца хилар (банкрот хилар) бакъдича, конкурсни  производство йола а еш;

3) нагахьа санна  болхлой дукхала таьрахь, квота  оттаяра кхоачам ца балла долча таьрахьага кхаччалца болхлой таьрахь кIезигделча; 

4) нагахьа санна къахьегама паччахьалкхен служба  учрежденешка балха боаца, болх лохаш санна регистрация яь заIапхой,  болх лушволча  кхайкаяьча вакансешта профессионально-квалификационни  дIадехарашта тоам беш хилар лохаш хилча,  учете ца хилча е ГIалгIай Республике  кхыйолча организацеш е индивидуальни  предпринимателаш ца хилча, цу тайпара барт бар оттаде  кийча а болаш.

Статья 5. ЗаIапхой балха овттабара йола лаьрххIа балха      моттигаш

1. ЗаIапхой балха овттабара йолча лаьрххIа балха моттигашта, болх лушволчо кхоачо (Iалашо) ю заIапхой цамагара а кхоачаш ца дулурашта  тоам беши аьттув луши  хургйолаш, цу тайпара кхоачо ярах долча керттерча дIадехарашта мегаш кхоачо (Iалашо) ю, бахархой къахьегаш хилара боарама бокъон а паччахьалкхен дIа-хьа нийсдара вIашагIтохареи кхоачашдареи паччахьалкхен политика кхоачашъяра йолча, кхоачашдара  Iаьдала  федеральни органо.

2. ЗаIапхой балха овттабара кIезигагIа йолча балха моттигий боарам дIаоттабу, ГIалгIай Республика Правительствос хIара организацен хьакъехьа, заIапхой балха овттабара йолча квота боараме.

Корта 3. Болх лушбараша заIапхой къахьегаш хилийтара дакъа лацар

Статья 6. Болх лушбарий бокъонаши декхараши

1. Болх лушбарий бокъо я паччахьалкхен органашкара заIапхой балха оттабе балха моттигаш, цу даькъе лаьрххIа яраш а хьаяра  ца хилча баргбоаца хоам хьабеха а хьаэца а.

2. Болх лушбараш, заIапхой балха овттабара  дIаоттаяьча квотаца нийса декхарийла ба:

1) заIапхой балха овттабе балха моттигаш хьае е хьакъоастае;

2) заIапхошта реабилитаци яра йолча индивидуальни программаца нийса заIапхошта балха хьалаш Iалашде;

3) бахархой къахьегарах йолча службе заIапхой балха овттабарах йола квота кхоачашъярах бола хоам, хIара бетта дIабахьийта «Россе болх» яхача къахьегареи болх бареи йолча цифровой платформе кара гIолла е кхыйолча хоам бара ресурсашка гIолла, шоашта чухьа цу тайпара хоам хургболча, Российски Федераце Правительствос оттаяьча аргIанца нийса.

3. Укх статьяй 2 даькъа 3 пункте белгалбаь хоам болх лушболчар дIалу, болх лушволчо заIапхой балха дIаэцара квота кхоачашъярах, Российски Федераце Правительства 2024 шера маьтсела бетта  30 дийнахьарча №709 йолча «Болх лушболчар заIапхой балха дIаэцара квота кхоачашъяра йолча аргIах болча» соцамах а, «Российски Федераце бахархой къахьегамах долча», Федеральни  закона 53 статьяй 1 даькъаца нийса белгал ма дарра, «Болх лушболчар, паччахьалкхен къахьегара службе  дIабаланза баргбоаца хоам дIабаларах йола кепаш дIачIоагIъярах дола», Российски Федераце къахьегамеи социальни Iалашони министерства, 2024 шера бекарга бетта 16 дийнахьарча №195н йолча  амара нийса йолча кепе».

4. Гражданаш заIапхой балха дIаэца оттаяьча квота боараме балха овттабар болх лушболчар кхоачашду шоаш, бахархоша  къахьегара служба  а заIапхой юкъарлен  организацешта а хетараш теркал а деш.

Болх лушволчун бокъо я заIапхошта  йолча квота юкъе бола  нах балха хьаэца, шийга юхьдуххьал дIаэца аьннараш, къахьегара служба хьахьожабаь бахкийтарашца нийса.

Статья 7.  Болх лушбарашта йола льготаш

Болх  лушволчун  бокъо  я  квотаца  заIапхой  белгалбаьрел   совнагIа  балха хьаэцарах, царна льготаш оттаяр могаду ГIалгIай Республика боарама бокъон акташца а ГIалгIай Республика моттигерча шедоалдара органий боарама бокъон акташца  а нийса, шоай полномочей боараме федеральни законодательствоца нийса.

Статья 8. Болх лушволчун бехктокхам

Ер Закон толхадаь бола болх лушбараш бехктокхаме овтт Российски Федераце законодательствоца оттаяьча аргIанца нийса.

Статья 9. ГIалгIай  Республика къаьстта законодательни акташ шоай низ дIабаьнна лархIар

Шоай низ дIабаьнна лархIа:

1) «ГIалгIай Республике заIапхошта балха моттигашта квотировани ярах дола» 2010 шера оагIой бетта 31 дийнахьара №67-РЗ йола ГIалгIай  Республика Закон (газет «Сердало», 2011 шера наджгоанцхой бетта 15 ди);                         

2) «ГIалгIай Республике заIапхошта балха моттигашта квотировани ярах долча»  ГIалгIай  Республика Закона 4 а 5 а статьяшка хувцамаш юкъедахьарах дола» 2017 шера бекарга бетта 25 дийнахьара  №11-РЗ йола ГIалгIай  Республика Закон (Официальни бокъон хоама интернет-портал (www.pravo.gov.ru), 2017 шера  бекарга  бетта 26 ди).

Статья 10. Ер Закон низаца чIоагIдалар

Ер Закон низаца чIоагIденна болх бе долалу, ер официально  кепатехача  дийнахьа денз.

ГIалгIай  Республика

          Мехкда                                   Келаматнаькъан М.М.

   г. Магас

2025 шера  бекарга бетта  «9» ди

         № 7-РЗ