ГIалгIай Республика паччахьалкхен даржий хьакъехьа

ТIаийцад

ГIалгIай Республика

Халкъа Гуллама                              2025 шера бекарга бетта 10 ди

 Статья 1. ДIа-хьа нийсдара предмет

 Укх Законо дIаоттаю ГIалгIай Республика паччахьалкхен даржий перечень «Российски Федераце паччахьалкхен граждански службах долча» 2004 шера кIимарса бетта 27 дийнахьарча №79-ФЗ йолча  Федеральни  закона 1 статьяй 1 пунктаца, ГIалгIай Республика Конституцеца, «ГIалгIай Республика паччахьалкхен граждански службах долча» 2005 шера лайчилла бетта 30 дийнахьарча №45-РЗ йолча ГIалгIай Республика Закона 1 статьяй 1 пунктаца нийса.

 Статья 2. ГIалгIай Республика паччахьалкхен даржаш

 1. ГIалгIай Республика паччахьалкхен даржаш –ГIалгIай Республика паччахьалкхен органий декхараш юхьдуххьал кхоачашде оттадаь дола даржаш.

2.  Мегийташ да ГIалгIай Республика паччахьалкхен даржа шолха цIи яккхар.

3. Паччахьалкхен органий декхараш юхьдуххьал кхоачашде дIаоттаду Iобелгалдаь ГIалгIай Республика паччахьалкхен даржаш:

1)  ГIалгIай Республика Мехкда;

2)  ГIалгIай Республика Халкъа Гуллама Председатель;

3)  ГIалгIай Республика Правительства Председатель;

4)  ГIалгIай Республика Хоржамий комиссе Председатель;

5)  ГIалгIай Республика  ТIахьожама -  лархIара палата Председатель;

6) ГIалгIай Республика Правительства Председатела хьалхара заместитель;

7)  ГIалгIай Республика Правительства Председатела  заместитель;

8) ГIалгIай Республика Правительства Председатела заместитель - ГIалгIай Республика Министр;

9)  ГIалгIай Республика Халкъа Гуллама Председатела заместитель -ГIалгIай Республика  Халкъа  Гуллама комитета председатель;

10)  ГIалгIай Республика Халкъа Гуллама депутат;

11)  ГIалгIай Республика  Халкъа Гуллама комитета председатель;

12) ГIалгIай Республика Халкъа Гуллама комитета председатела заместитель;

13) Российски Федераце  Президент волчара ГIалгIай Республика Массазара викал;

14)  ГIалгIай Республика Министр;

15)  ГIалгIай Республика Халкъа Гуллама Аппарата Кулгалхо;

16) ГIалгIай Республика Мехкдаьи Правительстваи Администраце Кулгалхо;

17) ГIалгIай Республика Мехкдаьи Правительстваи гIулакхий управляющи;

18)  ГIалгIай Республика  Мехкдаьи Правительстваи  Руководитель Администраце Керттерча урхаллен кулгалхо;

19) ГIалгIай Республика Хоржамий комиссе Председатела заместитель;

20)  ГIалгIай Республика Хоржамий комиссе секретарь;

21) ГIалгIай Республикерча сага бокъонех вола Уполномоченни;

22) ГIалгIай Республикерча предпринимателий бокъонаш лораяра Уполномоченни;

23) ГIалгIай Республикерча берий бокъонех вола Уполномоченни;

24)  ГIалгIай Республика  ТIахьожама - лархIара палата Председатела заместитель;

25)  ГIалгIай Республика  ТIахьожама -  лархIара палата аудитор;

26)  машара судхо.

 Статья 3.  Ер Закон низаца чIоагIдалар.

Ер Закон низаца чIоагIденна болх бе долалу, ер официально кепатехача дийнахьа денз.

ГIалгIай Республика

            Мехкда                                                              Келаматнаькъан М.М.

г. Магас

2025 шера бекарга бетта «14» ди        

         №12-РЗ