«ГIалгIай Республике берий могашал лораяра,  физически, духовни а эздела а даькъе уж  дегIакхувлара  совнагIа  кхоачашде дезарех долча» ГIалгIай Республика  Закона хувцамаш  юкъедахьара  хьакъехьа

ТIаийцад

ГIалгIай Республика

Халкъа Гуллама                                    2025 шера оагIой бетта 25 ди

Статья 1

«ГIалгIай Республике берий могашал лораяра,  физически, духовни а эздела а даькъе уж  дегIакхувлара  совнагIа  кхоачашде дезарех долча»,                  2009 шера лайчилла бетта 17 дийнахьарча №52-РЗ йолча ГIалгIай Республика  Закона (газет «ГIалгIайче», 2009 шера оагIой бетта  3 ди; 2014 шера кIимарса  бетта 3 ди; Официальни бокъон хоама интернет-портал (www.pravo.gov.ru), 2018 шера саькура бетта  27 ди; интернет-газет «ГIалгIайче» (www.gazetaingush.ru), 2018 шера кIимарса бетта 2 ди; 2020 шера оагIой бетта  18 ди; 2022 шера бекарга бетта 28 ди; Официальни бокъон хоама интернет-портал (www.pravo.gov.ru), 2023 шера наджгоанцхой бетта 13 ди) юкъехьо Iобелгалдаь хувцамаш:

1) 5 статьяй 2 даькъа 3 пункт Iобелгалъяьча редакце дIаязье:

«3) «Кхийнабаланза болчарга алкогольни доаца тонизирующи малараш (цу даькъе энергетически дараш а долаш) дохкар дехкарахи «Российски Федераце субъекташка публични Iаьдал вIаштIехьдаккхарах долча» Федеральни закона 44 статьяйна хувцам юкъебахьарах а долча» 2024 шера маьцхали бетта 8 дийнахьарча №304-ФЗ йолча Федеральни законаца нийса дийхка да  алкогольни доаца  тонизирующи малараш рознични дохкар (цу даькъе энергетически дараш а долаш):

а)  кхийнабаланза болчарга;

б) юхьдуххьал дешар дIадахьара къахьегача, лорий къахьегам дIахьоча, культура даькъе къахьегача, физически культураи  спортеи хьакъехьа къахьегам дIахьоча гIишлошка, цIеношка, фусамашка,   царна гаьна доацача  цхьа бIаь метрал гаргагIа долча доазонашка;

в) культурно-дуккхачар дакъа лоаца мероприятеш дIахьоча, кхийнабаланза бараша дакъа лоацача моттигашка.

Алкогольни доаца  тонизирующи малараш (цу даькъе энергетически дараш а долаш) рознични  дохкара йолча организацешта дохкара ха ГIалгIай Республика доазон тIа  доазув теха я 22 сахьати 00 миноти яьлча денз шоллагIча ден 08 сахьати 00 миноти  яллалца йолча хан-юкъа;

2) тIатохар де Iобелгалбаь чулоацам болча 111 статьяйца:

«Статья 111. Алкогольни доаца  тонизирующи малараш (цу даькъе энергетически дараш а долаш) рознични  дохкара  хьакъехьа региональни паччахьалкхен тIахьожам (бIаргаIунал) хилар

1. Укх Закона 5 статьяй 2 даькъа 3 пунктаца оттадаь бехкамаши доазув тохараши лорадарах тIахьожам (бIаргаIунал) кхоачашдар дIахьу ГIалгIай Республика Правительствос алкогольни доаца  тонизирующи малараш (цу даькъе энергетически дараш а долаш) рознични  дохкара  региональни паччахьалкхен тIахьожам (бIаргаIунал) лоаттабара  викал яьча кхоачашдара Iаьдала органо.

2. Алкогольни доаца тонизирующи малараш (цу даькъе энергетически дараш а долаш) рознични  дохкара  региональни паччахьалкхен тIахьожам (бIаргаIунал) лоаттабарца да организацеша, индивидуальни предпринимателаша, ахархой (фермерски) юридически лицо хилар доацача, Российски Федераце гражданаша, кхыча паччахьалкхен гражданаша а гражданство йоацача наха а  укх Закона 5 статьяй 1 даькъа 3 пунктаца оттадаь бехкамаши доазув тохараши лорадара.

3. Алкогольни доаца тонизирующи малараш (цу даькъе энергетически дараш а долаш) рознични  дохкара  региональни паччахьалкхен тIахьожам (бIаргаIунал) лоаттабар вIаштIехьдаккхари кхоачашдари дIа-хьа нийсду «Российски  Федераце паччахьалкхен тIахьожамах (бIаргаIуналах) а муниципальни тIахьожамах а долча» 2020 шера кIимарса бетта  31 дийнахьарча №248-ФЗ йолча Федеральни законаца.

4. Алкогольни доаца тонизирующи малараш (цу даькъе энергетически дараш а долаш) рознични  дохкара  региональни паччахьалкхен тIахьожам (бIаргаIунал) лоаттабарах йола положени дIачIоагIъю ГIалгIай  Республика  Правительствос.

5. Алкогольни доаца тонизирующи малараш (цу даькъе энергетически дараш а долаш) рознични  дохкара  региональни паччахьалкхен тIахьожам (бIаргаIунал) дIахьоча хана планови тIахьожама (бIаргаIунала)  мероприятеш дIахьоц.»;

3) 16 статьяй текст Iобелгалъяьча редакце дIаязье:

«Укх Законо дIадехараш кхоачаш ца даь гражданаш (физически лицаш) а юридически лицаш а бехктокхаме овтт Российски Федераце законодательствоца а ГIалгIай Республика законодательствоца а нийса.».

Статья 2 

Ер Закон низаца чIоагIденна болх бе долалу, ер официально кепатеха итт ди чаккхдаьннача  дийнахьа денз.

ГIалгIай Республика

Мехкдаь декхараш кхоачашдер                                Сластенин В.В. 

    г. Магас

2025 шера «29» ди оаг1ой бетта

№ 46-рз