«ГIалгIай Республике  паччахьалкхен  социальни  новкъосталах долча» ГIалгIай Республика Закона хувцамаш юкъедахьара   хьакъехьа

ТIаийцад

ГIалгIай Республика

Халкъа Гуллама                                    2025 шера оагIой бетта 29 ди                            

Статаья 1

«ГIалгIай Республике паччахьалкхен социальни новкъосталах долча» 2018 шера аьтинга бетта 13 дийнахьарча №24-РЗ йолча ГIалгIай Республика Закона (интернет-газет «ГIалгIайче» (www.gazetaingush.ru), 2018 шера аьтинга бетта 13 ди, тов бетта 28 ди; 2021 шера аьтинга бетта  24 ди)  юкъехьо Iобелгалдаь хувцамаш:

1) 1 статьяй 1 пункт Iобелгалъяьча редакце дIаязъе:

«1) таро кIезига йолча дезалашта вахара боарам хьаллацара, иштта таро кIезига а йолаш цхьаь бахача гражданашта ГIалгIай Республике хIара сага сих кхоачаргболаш оттабаь пайда «Российски Федераце вахара эшача кIезигагIа болча боарамах долча» 1997 шера ардара бетта 24 дийнахьарча №134-ФЗ йолча Федеральни законаца (дIахо – «Российски Федераце вахара эшача кIезигагIа болча боарамах дола» Федеральни закон) нийса;»;

2) 5 статья Iобелгалъяьча редакце дIаязъе: 

«Паччахьалкхен социальни новкъостал дIаэцаш хилар могаду таро кIезига йола дезалаш, таро кIезига йола цхьаь баха гражданаш а кхыбола гражданаш а Федеральни законо отта ма дарра, царгара доацача бахьанех хIара сага сиха, ГIалгIай Республике оттабаьча боарамаца дистача вахара эшача боарамал лохагIа долаш, «Российски Федераце вахара эшача кIезигагIа болча боарамах долча» Федеральни закона 2.2 кертаца нийса.»;

3) 6 статья Iобелгалъяьча редакце дIаязъе:

«Паччахьалкхен социальни новкъостал дарах бола хоам чуоттабу «Социальни даькъе паччахьалкхен централизованни йолча хоам бара  цаI йолча системе». Белгалбаь хоам «Социальни даькъе паччахьалкхен централизованни йолча хоам бара цаI йолча системе» чуоттабар а цу система  тIара хьаэцар а кхоачашду Федеральни законаца нийса.»;

4) 7 статье: 

а) 3 дакъа Iобелгалъяьча редакце дIаязде:

«3. Паччахьалкхен социальни новкъостал дарах заявлени дIалу, цу даькъе социальни контракта кIийлен тIа софинансировани ергйолаш  федеральни  бюджетера (дIахо – заявлени),  из дIалу гражданин  вахаш волча моттигерча е ханна ваха хулача моттигерча социальни Iалашон органашка, духхьал ший цIерах (таро кIезига йолаш ше цхьаь бахача гражданашта) е ший дезала цIерах е (социальни контракта кIийлен тIа паччахьалкхен социальни новкъостал дара моттигаш ца лаьрхIача) доал дечо,  йоакхо ечо е гражданина законни викало:

1) электронни кепе паччахьалкхен а муниципальни а услугаш яра цаI йолча портале гIолла, иштта региональни паччахьалкхен а муниципальни а услугаш яра портале  гIолла. Электронни кепе паччахьалкхен а муниципальни а услугаш яра цаI йолча портале гIолла, иштта региональни  паччахьалкхен а муниципальни а услугаш яра  портале  гIолла заявлени дIаялар кхоачашду цхьалха электронни кулг яздарца, цун дIоагIа из ше дIавахача хьа а луш, цхьалха электронни кулг яздар паччахьалкхен социальни новкъостал дар кхоачашдеш Российски Федераце Правительствос отта ма дарра е чIоагIдаь квалифицированни доаца электронни кулг яздар, тIахьожам бара дIоагIан сертификат хьа а даьд пайда эцаш а леладу электронни кепе паччахьалкхени муниципальнии услугаш ялара декхарашта хоам бара системаша хоам бара-технологически боараме цхьана къахьегаргдолаш Российски Федераце Правительствос оттаяьча аргIанца нийса;

2) дукхафункциональни центре гIолла бахархошта социальни Iалашо яра органаи белгалдаь барт бараш оттаде викал яьча дукхафункциональни центра юкъе белгалдаь барт бараш оттадаь хилча «Паччахьалкхен а муниципальни услугаш яларах долча» 2010 шера кIимарса бетта 27 дийнахьарча №210-ФЗ йолча Федеральни законаца нийса»;

3) юхьдуххьал ше.»;

б) тIатохар де Iобелгалбаь чулоацам болча 31, 32 доакъошца:

«31. Заявитело хьаденна сведенеш нийса дий хьажар могаду бахархошта социальни новкъостал дара органо  ше совнагIа тохкам бар дIа а хьош (комиссионни тохкам беш).

32. Организацеш бехктокхаме я шоаш хьаденнача документаш тIара сведенеш  нийса хилара законодательствоца нийса.

Статья 2

Ер Закон низаца чIоагIденна болх бе долалу, ер официально кепатехача дийнахьа  денз итт ди чакхдаьлча.

ГIалгIай Республика

Мехкдаь декхараш кхоачашдер                                  Сластенин В.В. 

    г. Магас

2025 шера «29» ди оаг1ой бетта

№ 50-рз