«Бер хьахиларца а кхедарца а бувзам болча, хIара бетта луш долча пособех долча» ГIалгIай Республика Закона хувцамаш  юкъедахьара хьакъехьа

ТIаийцад 

ГIалгIай Республика

Халкъа Гуллама                                         2026 шера маьтсела бетта 19 ди

Статья 1 

«Бер хьахиларца а кхедарца а бувзам болча, хIара бетта луш долча пособех долча» 2022 шера оагIой бетта 26 дийнахьарча №70-РЗ йолча ГIалгIай Республика Закона (интернет-газет «ГIалгIайче» (www.gazetaingush.ru), 2022 шера оагIой бетта 28 ди; 2024 шера оагIой бетта 6 ди) юкъехьо Iобелгалдаь хувцамаш:

1)  2 статье:

а) 1 даькъа: 

тIатохар де дешашца «Российски Федераце гражданина статусе вола пхе шерал кIезигах ха йоацар»;

тIатохар де Iобелгалбаь чулоацам болча  предложенеца: «Вахаш хилара пхе шера хан-юкъ эшарах дIадехараш дIа-хьа даржац уж баь бале Российски Федераце; гражданаш Российски Федераце  нагахьа санна гражданино Российски Федераце бакъ могаяь яле; Российски Федераце гражданстве дIаийцача Российски Федераце гражданашта, доазонал арахьа бахаш болча вай мехкахой Российски Федераце шоай лоIамах хьацIабахкара йолча Паччахьалкхен программа доакъашхочун статус е цу белгалъяьча Паччахьалкхен программа доакъашхочун  дезалхочун статус йолаш хилча; лаьрххIача тIема операце дакъа лоацаш (дакъа лаьца хиннача) е цар дезалхой е тIема доакъашхой ветеранаш хилча.»;

б) тIатохар де Iобелгалбаь чулоацам болча 7 а 8 а доакъошца:

«7. Укх статьяй 3 даькъа положенейх пайда эцац 17 шерага кхаччалца ха йола бераш долча гражданий хьакъехьа, дукха бераш долча дезалех лоархIаш уж хилча, нагахьа санна уж белгалбаь гражданаш бер хьахиларах а кхетам баларах а из пособи лулга оттадаьча хан-юкъа  тIеххьарча бетта е цу тайпара пособи далара хан-юкъ чакхъяьннача бетта тIехьарча кхаь бетта, белгалбаьча дезала хIара сага сихха юкъарча боарама пайда, заявитель вахача (дIаваха ха йоаккхаш волча) е бокъонца вахача моттиге ГIалгIай Республике оттабаьча вахара эшача кIезигах болча боарамал 10 процентал совнагIа бале «Российски Федераце вахара эшача кIезигах болча боарамах долча» 1997 шера ардара бетта 24 дийнахьарча №134-ФЗ йолча Федеральни законаца нийса, цу тайпара пособи хьадийхача денга.

8. Укх статьяй 7 даькъа положенейх пайда эц, укх статьяй  7 даькъе белгалбаьча гражданашта цкъа дIалу цу тайпарча гражданаша, бер хьахиларца а кхетам баларца а дувзаденна хIара бетта луш дола пособи хьаэцара бокъо кхоачашъеча ерригача хан-юкъа.»;

2) 4 статье:

а) 2 даькъе:

1 пункта тIатохар де дешашца «(укх статьяй 4 даькъо белгалъяь моттиг ца лаьрхIача)»;

2 пункта тIатохар де дешашца «(укх статьяй 4 даькъо белгалъяь моттиг ца лаьрхIача)»;

3 пункта тIатохар де дешашца «(укх статьяй 4 даькъо белгалъяь моттиг ца лаьрхIача)»;

б) тIатохар де Iобелгалбаь чулоацам болча 4 даькъаца:

«4. 17 шерага кхаччалца ха яьнна бераш долча дезала бер хьахиларца а кхетам баларца  а хIара бетта луш дола пособи хьожа а ду дIа а лу, ГIалгIай Республике бера вахара эшача кIезигах болча  боарамах 50 процента боараме «Российски Федераце вахара эшача кIезигах болча боарамах долча» 1997 шера ардара бетта 24 дийнахьарча №134-ФЗ йолча Федеральни законаца нийса цу тайпара пособи хьадийхача денга, «Бераш долча гражаданашта лаьрхIа паччахьалкхен пособейх долча» 1995 шера маьтсела бетта 19 дийнахьарча №81-ФЗ йолча Федеральни закона 9 статьяй 11 даькъе белгалъяьча моттиге, белгалъяьча статьяй 12 даькъа положеней терко а еш.»;

3) 8 статья ший низ дIабаьнна лархIа.

Статья 2

1. Ер Закон низаца чIоагIденна болх бе долалу ер официально кепатехача дийнахьа денз, укх статьяйца нийса низаца чIоагIдалара кхыйола хан-юкъ оттаяь  положенеш ца лаьрхIача.

2. Укх  Закона 1 статьяй 1 пункта «а» подпункт низаца чIоагIъенна болх бе йолалу 2027 шера бекарга бетта 1 дийнахьа денз.

3. Укх  Закона 1 статьяй 1 пункта «б» подпункт а 1 статьяй 2 пункт а низаца чIоагIъенна болх бе йолалу 2026 шера маьтсела бетта 22 дийнахьа денз.

ГIалгIай Республика               

      Мехкда                                                  Келаматнаькъан М.М.                                          

г.Магас

2026 шера маьтсела бетта «20»ди 

№26-РЗ