«Гӏалгӏай Республика транспортни налогах долча» Гӏалгӏай Республика Закона хувцамаш юкъедахьара хьакъехьа 

ТIаийцад

Гӏалгӏай Республика

Халкъа Гуллама                          2026 шера тов бетта 24 ди 

Статья 1 

  «Гӏалгӏай Республика транспортни налогах долча» 2002 шера лайчилла бетта 27 дийнахьарча №43-РЗ йолча Гӏалгӏай Республика Закона (газет «Сердало», 2002 шера лайчилла бетта 28 ди; Гӏалгӏай Республика законий Гуллам, 2004 шера 15 выпуск; газет «Сердало», 2006 шера тушола бетта  2 ди; газет «Гӏалгӏайче», 2006 шера бекарга бетта 25 ди, ардара бетта 7 ди; 2009 шера ардара бетта 24 ди; газет «Сердало», 2011 шера наджгоанцхой бетта 15 ди; газет «Гӏалгӏайче», 2013 шера лайчилла бетта 7 ди; Официальни бокъон хоама интернет-портал (www.pravo.gov.ru), 2016  шера  аьтинга  бетта  2 ди; 2017 шера ардара бетта 31 ди; интернет-газет «Гӏалгӏайче» (www.gazetaingush.ru), 2020 шера аьтинга бетта 30 ди, тов бетта 18 ди; Официальни бокъон хоама  интернет-портал (www.pravo.gov.ru), 2021 шера бекарга бетта 5 ди; интернет-газет «Гӏалгӏайче» (www.gazetaingush.ru), 2022 шера лайчилла бетта 30 ди;  2025 шера кIимарса бетта 11 ди; Официальни бокъон хоама интернет-портал (www.pravo.gov.ru), 2026 шера кӏимарса бетта 4 ди) юкъехьо ӏобелгалдаь хувцамаш: 

1) 2 статья ӏобелгалъяьча редакце дӏаязъе:

«Статья 2. Налога оттам

Дӏаоттаде ӏобелгалдаь налога оттамаш двигатела низаца, реактивни двигатела дIаозарга е транспортни средства чуховшара берригача боарамга, транспорта средства категорега хьежжа, двигатела низ говра хӏара низага, реактивни двигатела дӏаозара хӏара кийлага, транспортни средства хӏара регистрови тоннага е цхьан транспортни средствага хьежжа ӏобелгалдаьча боарамех:

Налог тохача объекта цӏи Налогови ставка

(сомашца)

Легковой  автомобилаш двигатела низ  (хӏара говра низах):  100 г. н. (73,55 кВт) кхаччалца 5

100 г. н. совгӏа 150 г. н. (73,55 кВт совгӏа 110,33 кВт) кхаччаца  7

 150 г. н.  совгӏа 200 г. н. (110,33 кВт совгӏа 147,1 кВт)  кхаччалца 15

200 л. с. Совгӏа  250 г. н. (147,1 кВт совгӏа 183,9 кВт) кхаччалца 45

250 г. н. совгӏа (183,9 кВт совгӏа) кхаччалца, транспортни средство  арахийцача денз даьннача шерашка  хьежжа:

-  5 шерага кхаччалца 65

-  5 шерагара денз 10 шерага кхаччалца 60

-  10 шерал совгӏа 55

Мотоциклаши мотороллераши  двигатела низ (хIара говра низах):  20 г. н. (14,7 кВт ) кхаччалца 3

 20 г. н. денз 35 г. н. (14,7 кВт совгӏа 25,74 кВт) кхаччалца 6

 35 г. н. совгӏа (25,74 кВт совг1а) 9

Автобусаш двигатела низ (хӏара говра низах): 200 г. н.  (147,1 кВт совгӏа) кхаччалца 15

 200 г.н.  совгӏа (147,1 кВт  совг1а) 30

Мухь кхухьа автомобилаш  двигатела низ (хӏара говра низах): 100 г. н. совгӏа (73,55 кВт совгӏа) кхаччалца 7

100 г. н. совгӏа 150 г. н. (73,55 кВт совгӏа 110,33 кВт) кхаччалца 15

150 г. н. совгӏа  200 г. н. (110,33 кВт совгIа 147,1 кВт) кхаччалца 20

200 г. н. совгӏа  250 г. н. (147,1 кВт совгIа  183,9 кВт) кхаччалца 25

250 г. н.  совгӏа (183,9 кВт совгӏа) 35

Кхыйола шоаш лела  транспортни средстваш, пневматическии гусенични лелар дола машенаши механизмаши  (хӏара говра низах)   10

Лай тӏа лелараш, мотосоалозаш двигатела низ (хӏара говра низах): 50 г. н. совгӏа (36,77 кВт совгӏа) кхаччалца 10 50 г. н. совгӏа (36,77 кВт совгIа) 20

Катераш, моторни лодкаши кхыйола хин  транспортни средстваши  двигатела низ (хӏара говра низах): 100 г. н. совгӏа (55 кВт) кхаччалца 20 100 г. н. совгӏа (73,55 кВт совгӏа) 30

Яхташи кхыдола гата-моторни кемаши двигатела низ (хӏара говра низах): 100 г. н. совгӏа (73,55 кВт)  кхаччалца 30 100 г. н. совгӏа (73,55 кВт совгӏа) 50

Гидроциклаш двигатела низ (хIара говра низах): 100 г. н. совгӏа (73,55 кВт) кхаччалца 40 100 г. н. совгӏа (73,55 кВт совгIа) 75

Шоашца лелаш (тӏехьа тувса) кемаш, шоай хьакъехьа чухошара беррига боарам белгалбеш (чухошара хӏара  регистрови тонна) 30

Самолеташ, вертолеташи кхыдола феца лела двигателаш дола кемаши (хӏара говра низах) 40

Реактивни двигателаш дола самолеташ (дӏаозара низа хӏара кийлах) 45

Кхыйола двигателаш доаца  хи тӏа лела а феца лела а транспортни средстваш (транспортни средствай единицах) 250»;

2) 3 статья ӏобелгалъяьча редакце дӏаязъе:

«Статья 3. Налог дӏаялара аргӏеи хан-йовкъаши

Налогашлушбараша налоги налогех дола авансови ахчаши дӏалу Российски Федераце Налогови  кодекса 363 статьяй 1 пункто оттаяьча хан-йовкъашка.»;

3) 4 статьяй 1 даькъе:

а) 18 пункт   ший низ дӏабаьнна лархӏа;

б) тӏатохар де ӏобелгалбаь чулоацам болча 20 пунктаца:

«20) пробаце даькъе шоай къахьегам «Российски Федераце пробацех долча» 2023 шера саькура бетта 6 дийнахьарча №10-ФЗ йолча Федеральни законаца нийса, дӏахьош йола организацеш, иштта низагӏа къахьега дезаш судаш яьраш балха овттабара уголовно-кхоачашдара система учрежденешца барт баь йола организацеш.».

Статья 2

1. Ер Закон низаца чӏоагӏденна болх бе долалу, ер официально кепатехача дийнахьа денз, пайда эц 2026 шера наджгоанцхой бетта 1 дийнахьа хьахиннача бокъон юкъ-моттигашка, укх Закона 1 статьяй  1 пункт ца лаьрхӏача.

2. Укх Закона 1 статьяй 1 пункт низаца чӏоагӏъенна болх бе йолалу 2027 шера наджгоанцхой бетта 1 дийнахьа денз, цхьабакъда ер официально кепатехача дийнахьа денз цхьа бутт балалехьа хьалхагӏа а доацаш.

Гӏалгӏай Республика

          Мехкда                                                           Келаматнаькъан М.М.

   Гӏ. Магас

2026 шера  «2» ди ардара бетта

        № 45-рз