Унахошта лаьрхӏа цӏий дӏачулуш хилар 100 совгӏа саг
23.04.2026 10:14
Цӏий дӏачутеларий ди дездеча хана, вай мехкарча 100 совгӏа сага унахошта лаьрхӏа цӏий дӏачулуш бола болам хьаллаьцар. Из хоам «Сердалога» бир Дикача наьха клубе.
«Къахетаме, нахах дог лазаш бола бахархой бар цу дийнахьа республикерча цӏий дӏачутелача моттиге гулбеннараш. Халача хьале барашта Даьла духьа цӏий дӏачуденна гӏо де ловш бар берригаш. Шийна тӏехьа доккха беркат доаржадеш дола, хам баь варгвоаца дика да из.
«Доккха баркал оал оаха донорашта! Вай массане кхетаду, могаш боацарашта цӏий геттара чӏоагӏа эшаш долга. Аллахӏа диканца бекхам болба из гӏулакх хьаллаца мел эттарашта, кхоанарча вахаре бӏаргагулда шоана тахан дог лазаш оашош доаржадаьр», - белгалдир «Дикача наьха клуб» яхача ганза кулгал деча Матенаькъан Натас.
