2997 Россеташца бартчӏоагӏам боацараша из оттабир 2025 шера
«Къилбаседа-Кавказа Россетий» - «Ингушэнергос» 2025 шера бартчӏоагӏам боацаш электроэнерги лелаергйоацаш дӀабихьача балха 2 997 сагаца из оттабир ток лелаерашца: къайлагӀа йоацаш ток лелаераш тӏакхийтар 2 762 юртара нах, иштта 235 юридически нах. Энергетикаша рейдаш дӀайихьар кердача кхаленашка баха ховшача наха бартчӏоагӏам боацаш лелаеш йола электроэнерги дӏахоадаеш, иштта уж хьежар юридически даькъ тӀа, уж бахача моттигашка чуувтташ, из болх царна хьалхабаьккхар.
«ЛоархӀаме да кхетадеш хилар, электроэнерги лелаеш бараш шоашта эшаш дола технически хьалаш хьадехар энергокомпанегара, говзанчаша царна Ӏалашо ю эшача гӏирсашца, иштта тӀехьара тӀа оттаю трансформатор. Вай хьал кхыча беса да: дукхагӀа йола керда кхаленаш, бокъонах йоацаш, ток дӀаозаш я, бартчӏоагӏам царга хилац. Ток езараш тӀакхеташ ба, бакъда низ дукхагӀа эшаш хилар кхетадераш хилац. Цудухьа электросетей кӀийле яц, керда энергогӏишло хьалъе. Цу тайпара, даим ток кхоачам боацаш, е кӏезигагӏа е дукхагӀа хул, цу юкъе нийслу, каст-каста тока саьргаш шоайла вӀашагӀкхетар, технологе оагӀорахьа кхоачамбоацараш хул», - аьлар «Ингушэнерго» филиала кулгалхочун декхараш кхоачашдеш волча Котаганаькъан Кимрана.
Цу тайпара бартчӏоагӏам боацаш ток лелаеш хилча, из Ӏаткъаш да мехка тока оагӀонна. Цул совгӀа, бартачӏоагӏам боацаш, ток лелаяр Ӏаьдалгахьара бехктокхаме оттавеш а да. Бокъонах доацаш ток чутассар кхераме да цӀиялара. Бакъда эггара чӀоагӀагӀа бола кхерам - ток тохар бахьан долаш, валар нийсдалар.
Цудухьа «Ингушэнерго» филиала говзанчаша кердача шера дӀахохьоргба цу даькъ тӀара тӀахьожама болх.
Бартчӏоагӏам тӏаэцара кхален (шахьара) ток дӏалуча филиала даькъе хьава веза, ший дехар дӀачудала.
Масала, из «Ший доалахьарча кабинете гӀолла» хьадайта а йиш я (https://портал-тп.рф). Иштта цига гӀолла тӀехьахьажа а таро я дехар мишта кхоачашду. Дехараш хьаийду технологически низах дӏахоттар духьа, 15 кВт физически наха, 150 кВт- юридически наха.
