36 шу даьнна зуламхо законо бехктокхаме озаргва
Гӏалгӏайчен 36 шу даьнна зуламхо суда хьалхашка жоп дала оттавергва, Евразийски хьурмата союза таможенни доазон тӏагӏолла, чӏоагӏа корта бохабеш йола молхаш дӏаяхьийта хьажарах, яхаш, дийцар «Сердало» газетага Гӏалгӏай Республикан прокуратуран зарбан болх лелабераша.
Гӏалгӏай Республике гӏолла йолча Россе ФСБ урхаллене из хьал тохкаш хинна гӀулакх чакхдаьккхар. Гӏалгӏай Республикан прокуратуро чӏоагӏдир РФ УК 1.1 д. 226.1 ст. чудоагӏа гӏулакх (контрабанда).
Бокъонаш лораераша яхачох, цу сага бувзама оагӏонашка гӏолла чӏоагӏдир Инде вахача сагаца, цунна 1500 капсула «Прегабалин» яха чӏоагӏа корта бохабу молха йохьийтаргья, аьнна. Карарча шера тов бетта, из посылка почта бувзама даькъ тӏагӏолла чакхъяьлар, Российски Федераце Москва-Шахьара таможенни доазонал.
Бакъда 2025 шера тов бетта 22-ча дийнахьа, Илдарха-Гӏалан халкъашта юкъерча почте чухьожаш гучаяьлар, уж молхаш Къилбаседа Кавказа таможенни урхаллен болхлошта. Хӏанз уголовни гӏулакх тохкаш да Москва-шахьара Щербински кхален суде.
