Яндарерча дзюдоисташа йийллача турнире 6 майдилг яьккхар
22.12.2025 10:52
Яндаре дзюдоисташа йийллача турнире 6 дошо майдилг яьккхар, яхаш, дийцар «Сердало» газетага из болх вӏашагӏбеллараша.
«Яндарерча физкультурно-унахцӏенон комплексе ӏомалуш бараша гойтар цхьоагӏо, начӏал, низ, шоаш коталонга кхача гӏерташ хилар. Уж бар 2012-2018 шерашка баь ондаргаш.
Дика къахьегарах Шахмарзанаькъан Халита, Мержой Ахьмада, Пхьиденаькъан Алима, Исмейланаькъан Дене, Шахмарзанаькъан Саӏида, Мержой Мухьмада сийдола хьалхара моттиг яьккхар», - аьлар хоамо.
«Чемпион» яхача ФОКа кулгалхоша даькъалабувц дзюдоисташ, кхыча спортсменашта масал царех хилар ловш.
