Эллиной-румий оалача латарах йолча Казахстанерча яхьий чемпион хилар вай мехкахо
15.03.2026 01:26
Казахстане дӏахьош хиннача эллиной-румий оалача латарах йолча яхьашка белгалваьлар, «Ади Ахмад» яхача клуба доакъашхо вола Йовлой Ислам. Из хоам «Сердалога» бир Минспорта зарбан болх лелабеча Гӏаппархой Аишас.
«Коталонга кхача гӏертача наькъ тӏа йоккха говзал гойтар вай Ислама. 97 кийлах долча дозалах Астанерча спортсменал котваьнна, эггара лакхерча лагӏа тӏа ваьлар из. 8:0 йолаш, вай мехкахо лакха начӏал дола атлет ва аьнна белгалвеш, чакхдаьлар из латар», - йоах тха газетага бенача хоамо.
Из котало кхачар бахьан долаш, бекарга бетта 7-ча денгара 12-ча денга кхаччалца Кыргызстане дӏаяхьа лерхӏача Азе чемпионате дакъа лаца къоаставир Йовлой Ислам.
