Гӏалгӏайчен «Шолже» ахархой комбината ший таронаш йоаржаергья
Хьатӏадоагӏача шера, Гӏалгӏайчен теплични боахам - «Шолже» яха ахархой комбинат- лакхагӏа толамаш даха йолалургья. Объекта шоллагӏа аргӏа дӏайолаярах, цо арахецаш йола продукци дуккха а я, Къилбаседа Кавказа йоккхагӏа йола продукци ше хилара кӏийле чӏоагӏъеш а я. 2019 шера денз болх беш йолча комбината хьалхарча аргӏо хьагойтар, ше пайда бахьаш хилар. 10,5 гектара тӏара, хӏара шера керда баьцадарий 5 эзар совгӏа тонн дукхагӏа чуэца езар. Тахан, «Шолже» - чӏоагӏа, экономически хьал да, цо ӏалашо ю балха моттигашца, иштта республикан бюджете йоалах дола ахча хьачудахь. Комплекс йоаржаярах хургба, Гӏалгӏайчен кхачанца кхоачам бара аргӏанара боаккхаш бола гӏа.
«Хӏанз чакхйоалаш я шоллагӏа аргӏа - тӏехьара тӏа 22 вай заман теплица, цига бӏарчча шера цахадаш баьцадаараш кхедергда. Гӏишлон- монтажни балхаш даь даьлар, хӏанз дисар да гӏирсаш оттадар, инженерни оагӏонаш дӏахоттар. Болх бе болабенначул тӏехьагӏа, цу боахамо лургда 25-26 эзар тонн шера баьцадаараш. Цо ший аргӏагӏа таро лургья мехка, безар тӏа лоаттаеш йола продукци тешшаме хилийта», - аьлар Келаматанаькъан Махьмуд-Ӏаьлас ший телеграм-оагӏон тӏа.
Комплекса хьалаш доаржадар лоархӏаме да Гӏалгӏайченна. Из хиларах наха а моттигерча говзанчашта а хьаде хӏама хургда.
Агрокомбината шоллагӏа аргӏа - из майда йоаржаяр хинна ӏац, из да Гӏалгӏайчено ахархой промышленни даькъ тӏа ший лакха технологически проекташ кхоачашъеш хилар; паччахьалкхенца, бизнесаца бувзам лелабеш.
