Гӏалгӏайчен ТЮЗа актёраш дакъа лоацаш хилар Халкъашта юкъерча Вахтангова ишколе
Гӏалгӏайчен паччахьалкхен берий театра актёраш Цхьорой Азамат, Чиймарзанаькъан Акромат «Халкъашта юкъера РФ СТД Вахтангова ишкола» дешара проекта доакъашхошта юкъебоагӏаш ба. Щукин Бориса цӏерагӏча театральни институте, иштта Вахтангов Евгене цӏерагӏча академически театре болх беш ба 53 къона кхоане йола Россе, кхыча мехкашкара, тайп-тайпарча моттигашкара артисташ балха говзал эцаш хилар цӏихезача театра ишколе.
«Сердало» газетага ТЮЗе ма аллара, хьехам луча дешашца кердача доакъашхошца къамаьл дир Россе театральни балха Союза, Щукински института ректора, Россе халкъа артиста Князев Евгене.
Из РФ СТД халкъашта юкъера проект вӏашагӏъеллаяр профессиональни къамаьл дара, шоайла балха говзал эцара, сцена тӏа ловзара говзала керда доазонаш довзара.
Гӏалгӏайчен артисташа цига лаьрххӏа долча дешарга ладийгӏар, дукха кердадараш дайзар, тематически говзанчий хьехамашка хилар. Керттера болх шаьрбара декхар дар, «Чума» яхача Камю Альберта культуран романа тӏа цхьана болх бар.
Проекта чаккхе еш бар Подмосковье, «Актёр-Руза» кхоллама Цӏен даькъ тӏа.
