Оалхазаранаькъан ӏалихан «Шахтёр Донецк» ФК керттерча кулгалхочун балха тӏа хьожавир
Гӏалгӏайчера Оалхазаранаькъан ӏалихан «Шахтер Донецк» яхача Футбольни клуба керттерча кулгалхочун гӏулакха тӏа хьожавир, яхаш, хоам бу «Сердало» газетага мехка спорта Министерствос.
Хьалхагӏа ӏалихан Гӏалгӏай Республикан футбола Федераце вице-президента декхараш кхоачашдеш, «Рубин» ФК (Казань) керттерча кулгалхочун советник, «Рубин» ФК керттерча кулгалхочун помощник, иштта «Рубин» ФК кагирхошца болх бара Департамента кулгалхо хилар.
Тхога хоам баьчо яхачох, цу балха говзало таро лургья, «Шахтёр Донецк» футбола тоабагнна хьалхашка латта декхараш лерттӏа кхоачашде.
Хӏанзчул тӏехьагӏа Оалхазаранаькъан ӏалихан бехктокхаме ва футбола даькъ тӏара хьал дегӏадоаладара, кагирхой программашца болх бара, иштта профессиональни футбольни клуба хьалхашка нийслуш дола хаттараш кхоачашдара. Кердача кулгалхочо шийна хьалхашка оттаду декхар да клуба ахчанцара хьал чӏоагӏдар, цо таро лургья Донецка тоаба дукхача шерашка дегӏаахара дола хьалаш лоаттаде.
