Толашагӏа бола спортсменаш белгалбеш, хилар Харсенаькъан Ӏалихан
Ерригача Россе, Халкъашта юкъерча яхьашка котало яккхарах, ахчан совгӏаташ дир вай латархошта. «Ади-Ахьмад» яха клуб хьакхеллачунгара, Россе спортацарча латарах йолча Федерацен вице-президент волча Харсенаькъан Ӏалиханагара совгӏаташ спортсменашта дӏадийкъар, спорта гӏулакхех йолча Министерствон хьалха латта Белхарой Руслан вар.
«Къонабарашта юкъерча латарах йолча (U-20) дунен яхьашка котваьннача Хоаной Исмаӏала 2 миллион сом ахча делар Харсенаькъан Ӏалихана. 2026-ча шера Россе Чемпионате дото майдилг йоаккхаш белгалваьннача Хоаной Мухьмад-Тӏахӏира цхьа миллион ахча кхаьчар, хӏаьта дунен яхьашка кхоалагӏа моттиг яьккхача Чаненаькъан Зелимхана 300 зар сом ахча делар. Спортсмена тренер волча Тӏумхой Руслана – 100 эзар сом. Республике спортацарча латара хӏама тоадеш къахьегаш волча Мусайнаькъан Мухьмада доккха баркал кхайкадир», - йоах «Сердалога» мехкарча цу оагӏонцарча министерствера бенача хоамо.
Белхарой Руслана белгалдир, Харсенаькъан Ӏалихан, тахан цкъа доацаш, массахана спорта хӏама хьаллоацаш, гӏо деш хьавоагӏилга. Ахчан совгӏаташ дар кхы а доккхагӏа долча толамашка кхачара цар дегаш ураоттадеш, яхаш, дийцар министра. Къонача, лакхаленашка кхача гӏерташ хӏара денна къахьегаш хьабоагӏача спортсменашта дикка гӏо хилар цох.
