Кулгаш гӏертадераша ялхазза толам баьккхар Россе чемпионате
Гӏалгӏайчен спортсменаша ялх совгӏат даьккхар Орёл яхача шахьаре дӏахьош хиннача кулгаш гӏортадарах йолча Россе чемпионате. Из хоам «Сердало» газетага бир ГӏР спорта Министерствон зарбан болх лелабеча Гӏаппархой Аишас.
«Тиймарзанаькъан Ибрахӏим (дозал 90 кг) шозза лакхача лагӏа тӏа ваьлар - аьтта а аьрда а кулгаш гӏортадаь. Баркинхой Адама (дозал 110 кг) дошо майдилг яьккхар аьтта кулгаца, дото - аьрда кулгаца. Иштта цо шинна кулгаца баьккхача толамах цунна елар цхьаькха дошо майдилг. Чомаканаькъан Хьамида (дозал 110 кг) дошо совгӏат даьккхар аьтта кулгаца», - аьлар хоамо.
Цигара баьча хоамах, хӏанз уж кхо спортсмен карарча шера ардара бетта Инде мехка дӏахьоча дунен чемпионате дакъа лаца таро йолаш ва.
Уж ӏомабеш ва говзал лакха йола тренер Котанаькъан Хьусен.
