Бӏухой оагӏув хьаллацарах, белгалбаьхар Паччахьалкхен филармоне артисташ
Бӏухой дезалий Комитета моттигерча штаба лоархӏамеча грамоташца белгалбир тахан Донбассе дӏахьоча тӏема операцена юкъе дакъа лоацачар оагӏув хьаллоацаш, цар дог ураоттадеш бола Паччахьалкхен филармоне артисташ Акхасаганаькъан Мовсар, Кӏанташанаькъан Джабраил, Мерешканаькъан Роза. Белгалде деза, филармоне артисташ тӏемахой, цар дезалий оагӏув хьаллацара тӏехьа къахьегаш хьабоагӏилга, тӏема операци йолаеннача дийнахьа денз.
«Бӏухой дезалий Комитетаца массахана бувзам ба цар. Даьхен хӏама лорадеш латтарашта хетаяьча кхетаченашка дакъа лоацаш хул уж. Шоай низ дӏа ма кхоачча, цу наьха дегашта тоам бе гӏерташ къахьег цар», - дийцар «Сердалога» мехкарча концерташ вӏашагӏдехкача моттиге.
Бӏухой дезалий Комитета хьалхалатташ волча Эсамарзанаькъан ӏалаудина белгалдир, тахан артисташ лоархӏамеча грамоташца белгалбар цар дакъа лацарах баркал оалаш долга.
Даьхенцара, тахан цун хӏама лораде арабаьнна тӏема аренашка леларашцара хӏама лоархӏаме да артисташта. Из болх хьаллоацаш, бувзам лелабе лаьрхӏа ба филармоне артисташ дӏахо а.
