Росгвардейцаш цар цӏайца даькъалабийцар филармоне артисташа
Магасерча культран гӏулакхех йолча моттиге, Россе къаман гварде эскара Ди дездеш хилар мехкахой. Наьха бокъонаш, кхерамзлен хьал лорадара тӏехьа латтараш белгалбеш дола ди дар из. Зале гулбеннабар тӏемхой, ӏаьдала болхлой, цар дезалаш, лоархӏаме хьаьший. Мехкарча Паччахьалкхен филармоне артисташа йоккха программа кийчъяьяр цу гӏулакха.
«Гулбеннарий дог ураоттадеш бар цу дийнахьа филармонера артисташ. Вай кхерамзлен хьал лорадеш, хӏара дийнахьа шоай декхараш дизза, бехктокхаме кхоачашде хьожаш, къахьегараш белгалбир цига дега йӏовхал луча дешашца. Вай массане а баркал ала дезаш, боккха болх ба цар дӏахьошбар», - дийцар «Сердалога» филармоне зарбан болх лелабераша.
Берригаш раьза болаш, чакхдаьлар цӏай. Росгвардейцаш иразе, аьттонца, беркатаца, могаш, маьрша болаш баха даькъалабийцар цига.
