Паччахьалкхен филармоне артисташа берашта лаьрхӏа дагалоаттама кхетаче дӏайихьар
Даьхенцара безам къонача тӏехьен дегашка чӏоагӏбарах йолча программага гӏолла, Пхьилекъонгий-Юртарча № 3 йолча ишколе баха хилар филармоне артисташ. Россе цӏихезача турпала Осканаькъан Сулумбика хетаяь яр кхетаче.
«Ураотташ латтача къонача тӏехьен бовза беза шоай къаман турпалаш! Дешархой болча баьхкараш бар лакха начӏал дола артисташ Бӏарахой Люба, Акхасаганаькъан Мовсар, Эккажанаькъан Роза, «Дека илли» яха вокальни тоаба. Даьхенах, Даьхен турпалех лаьца дар цар иллеш. Осканаькъан Сулумбика цӏи Россе исторе лоархӏаме, еза, боча йолга белгалдир къонабарашта», - йоах «Сердалога» бенача хоамо.
1992-ча шерарча саькура бетта 7-ча дийнахьа вахара никъ хаьдар вай къаман денал, майрал, яхь йолаш хиннача Сулумбика. Россе авиаце исторе дукха яздаьд цу сагах, наха зе ца хилийта, аьнна, ший са кӏалъоттадаь саг ва вай мехкахо.
