Бераш долча хьоашалгӏа баха хилар ТЮЗа артисташ
Наьсарерча «Тамашийна гӏала» яхача берий беша бахар театра актёраш. Зӏамигача хьажархошта цар гойтар «Муӏилгаши когилгаши» яха спектакль. Чӏоагӏа дог айденна, фаьлгага хьажа хайшар бераш. Актёраша театран сцена хьаяьяр цу моттигах. Доттагӏалах, вӏаший тӏаоттарах, дикача гӏулакхех дийцар берашта фаьлгага гӏолла.
«Къонача актёраша Лаьнанаькъан Рамзана (Борз), Малсаганаькъан Дале (Йоккха саг), Дзовранаькъан Танзилас (Бӏийг) шоашта могар дир, зӏамигача хьажархой дегашта тоам бе гӏерташ. Бераша а дакъа лоацаш йола спектакль яр из. Йоккха саг йолча яьхача овкъарча беса бӏийгах бар фаьлг. Борз бӏийг яа гӏерташ кхесташ яр, хӏаьта йоккхача сага аьттув балийтацар цун. Чӏоагӏа самукъадаьлар берий цу дийнахьа»,- дийцар «Сердалога» ТЮЗа актёраша.
Берий беша болхлоша белгалдир, иштта йола кхетаченаш дӏакхахьар берашта пайда беш долга, дикадар, водар къоастаде иштта ӏомалу бераш.
