Шолжера АТК дийцар, 2025 шера баьча балхах
25.12.2025 16:12
Шолжерча терроризма духьале лоаттаяра йолча комиссе 2025 шера баьча балха чаккхе йир мэре, яхаш, дийцар «Сердало» газетага мэре зарбан болх лелабеча Батиганаькъан Хьавас.
«Кхетаче дӀайихьар мэра кулгалхочо Ӏумаранаькъан Аслана кулгал деш. Бехктокхаме болча болхлоша докладаш йийшар Шолжа-Шахьара даькъ тӀа дӀабихьача балхах лаьца. Къаьстта терко тӀаяхийтар комиссе цӀай долча деношка терроризма, экстремизма хьал юкъе нийслургдоацаш дӀахьош болча балха», - аьлар хоамо.
Дӏахойодача хана де дезар белгалдеш, гулбеннараша терко тӀаяхийтар ГӏалгӀай Республике 2024-2028 шерашка терроризма духьалара болх дӀабахьара.
Ӏумаранаькъан Аслана яхачох, ерригача организацеша шоай юкъара низ тӀабахийта беза цу даькъ тӀара зулам юхатохара.
