Ер шу чакхдалале, 2,5 км бӏаьха машиний керда никъ хургба Шолже
02.07.2026 11:42
«Вахара хьалаш» яха къаман проект хилар бахьан долаш, Гӏалгӏайчен Шолже ер шу чакхдалале ӏобулларгба 2,5 км бӏаьха машиний никъ, яхаш, дийцар «Сердало» газетага, доал деча даькъ тӏа.
«Аргӏанара балхаш деш я автомобильни наькъа Министерство. Карарча хана болхлоша асфальт ӏобиллара кӏалха кийчо еш латт. Цул совгӏа, тӏоникъ биллара эша техника юкъейоаккхаш, никъ нийсбеш, наькъа йистош чуерзаеш, такилгаш деш болх дӏахьош ба. Ӏаьдало лаьрхӏад гӏашлошта лаьрхӏа наькъа такилг ӏодилла аьрда оагӏорахьа, иштта цига латтаргья юкъарлон транспорта лаьрхӏа остановка», - аьлар хоамо.
Из беррига болх беш ба «Вахара хьалаш хьакхоллар» яхача къаман проекта чубоагӏаш, из болх дӏабахьар тӏадиллад республикан Кулгалхочо, наькъа хьалаш дика хургдолаш.
