Къона болаш могашал лораяр могаду лораша ГӏалгӀайчен студенташта
Лораша интерактивни кхетаче дӀайихьар, Наьсарен вахара, хьалий колледжа студенташца, яхаш, дийцар «Сердало» газетага.
«Республикан юкъарлон могашала, лорий хьехамий центре дӀайихьар довзийтара кхетаче, инфекционни доацача лазарашта хетадаьча Кӏиранна чудоагӀаш», - аьлар боахаме.
Къонабарашта хьалдаьккхар, дукхача хана дӏа ца къаста лазараш сага дегӀаца шерашка хьаӀовш хилар. Уж лазараш хилара бахьан да гӀаш никъ беш цахилар, даар нийса цалеладар, даим халахетараш долаш саг хилар, гӀаьле, къаракъ.
Кагирхошка ше кхайкарал деш, лорий хьехамий, юкъарлон могашала Центра цхьан даькъа кулгалхочо Досхой Радимхана белгалдир, могашал тоаяра каст-каста гӀаш никъ беш хила веза, дегӀа а хьаьна а во мел дола хӀама дӀадаккха деза, ший ханнахьа наб еш, лорашка чакхвоалаш хила веза.
Хьалхара гӀа баккха беза цу дикача гӀулакха накъаводаш. Къамаьл деш белгалдир, студенташта лоархӀаме да шоашка хьожаш хилар, из доацаш мекъал дӀаяккха таро хургьяц, даим цу хӀаман боарам лелабе беза.
Кхетаче чакхйоалаш царна делар хьехамаш тӀадола каьхаташ, цар дувц мишта лоравала веза лазарех.
