Къаман библиотекан «Библиобус» республике гӏолла гобоахаш я
Вай мехкарча къаман библиотекан «Библиобус» республикерча моттигашка гӏолла гобоахаш я тахан. Укх наькъа мобильни библиотека йоаржайир Гӏажарий-Юртарча, Илдарха-Гӏалий тӏарча паркашка» Сердалога». Из хоам бера культуран гӏулакхех йолча министерствера.
Ара, цӏена фо долча, ахканара книжкаш дешарий зал йоаржайир библиотекан болхлоша. Нах чӏоагӏа раьза хул цу гӏулакха, хӏана аьлча ахкан хана арарча библиотеке ха йоаккхаш вагӏар дега тоам хулаш гӏулакх да.
Хӏаравар хьатӏавайя книжкаш довза, малагӏа литература да хьажа оттар», - дийцар тха газетага. Эггара тӏехьа арадаьнна, толашагӏа дола, массанена дезаденна книжкаш довзийтар библиотека болхлоша бахархошта. Ма дарра белгалде эттача, чӏоагӏа хоза вӏашагӏделла хӏама да из.
Дезалашца книжкаш дешаш хинна ӏадат дийндеш, книжкаш дешаш хилар беркате гӏулакх долга белгалдеш хилар из. Цул совгӏа, лелаш йолча библиотеке дӏачухьежа, цу чура вахар довза, кердадараш теркалде а аьттув бар наьха. ӏадика ювцача хана, фирменни хоамий буклеташ дӏателар хьаьшашта.
«Библиобуса» дӏагойтар региона моллагӏча моттиге культуран, книжкай вахар довзийта йиш йолга.
