Мехкарча МВД гӏо дарах, баркал аьлар СВО доакъашхочо
Мехкарча Россе МВД болхлошта, видеогойтаме гӏолла, баркал кхайкадир тӏема аренашка латтача бӏухочо. Хьалха тха газето яздаь хиларах тарра, «Къаман фронт. Деррига а Котало бахьан!» яхача боламе дакъа лоацаш хилар МВД болхлой.
Тӏема аренашка декхараш кхоачашдеш латтача вай бӏухошта «Нива» машин, диъ тайпара мототехника, йиъ генератор, иштта аренашка геттара эшаш дола хьулаву цхаралаш дахьийтар цар. Бӏухо чӏоагӏа раьза вар шийга хьакхаьчача мотоцикла. «Сердалога» къаман фронте дийцачох, тахан къаьстта хала дале а, гӏо деш леларий аьттув боал тӏема аренашка латтача вай бӏухошка уж хӏамаш дӏакхачийта.
Президентски болама хьинардараша доккха баркал аьлар мехкарча МВД, российски бӏухой оагӏув хьаллоацаш хиларах. Кхы а дукха хӏамаш ӏояхьа езаш ба вайцигара.
«Къаман фронт. Деррига а Котало бахьан!» яха проект ший болх дӏахьош я. Даьхенах дог лазаш мел барашка из проект хьаллоацаш хилар дех цу гӏулакха хьалхалаттараша.
