Анапе могашал тоае йиш хургья СВО доакъашхочун МирзабековгӏарТӏурала
Магӏалбике вахаш волча СВО доакъашхочун Мирзабековгӏар Тӏурала, аьттув хургба Анаперча «Кристалл» яхача санаторе ший дегӏа могашал меттаоттае. Цун гӏулакхага хьожаш къахьийгараш ба «Даьхен лорабой» яхача ганза болхлой.
«Ганза болхло йола Саккхаланаькъан Аза яр из гӏулакх вӏаштӏехьадоаккхаш къахьийгар. Йоккха юкъ ялалехь, эшаш дола каьхаташ гулдаь, ший дега ловш хиннача санаторе Тӏурал дӏахьожаве аьттув баьлар цар. Тӏема юкъе хало лайна вола бӏухо, ший могашал меттаоттаеш, ха йоаккхаш хургва Анапе»,- йоах тхога бенача хоамо.
«Даьхен хӏама лорадара тӏехьа тахан дуккха халонаш токхаш латтарашка хьажар, царна эшаш дола гӏо лоаттадар керттерча декхарех да. СВО доакъашхой могашал меттаоттаяра тӏехьа къахьегар лоархӏаме да берригача мехка», - белгалдир «Даьхен лорабой» яхача ганза кулгал деча Оздой Муслима.
