Варна «Тӏема вошало» гуманитарни мухь дӀабелар ГӏалгӀайчен бӀухошта
ЦхьоагӀо хилар, шоайла хьаллоацаш хилар боарам боацаш да. «Деррига коталон!» яхача Халкъа фронта чудоагӀаш, боккха мухь гулбеш, Варненски моттигерча отделене «Тӏема вошал» ВООВ (Челябински область) шийгара дакъа лаьцар, Даьхен бӀухой хьаллоацаш. Цо хьаделар ГӏалгӀайчен бӀухошта лаьрхӀа талхаш доаца кхачан даараш. ГӏалгӀайчен Халкъа фронта моттигерча даькъо из мухь хьаийцаб, хӀанз дӀабахьийта кийчбеш ба.
«Кастлуш, аргӀанара гуманитарни мухь дӀахьоча хана, уж посылкаш бӀухошка дӀакхоачийтаргья», - аьлар ГӏалгӀайчен халкъа фронта болхлоша.
Тахан тӏем тӏа эшаш да моллагӀа дола гӀо. Цӏенна гаьна болаш, халача хьалашка латтача вай бӀухошта из лоархӀаме да. Хӏара цу тайпара посылка - из кхача е йӀайха хӀамаш хинна Ӏац. Из цӀагӀарча йӀовхала цхьа дакъа да. Дешархочун каьхат е чаь пачка, цӀагӀа хьаяь хӀама бӀухочо ший тайпара тӀаэц.
Цунца вай хьалхадоаккх бӀухошта: тхо шуца да, шоана уллув да, шух тешаш да. Шун денал- тха сатем, тха терко - шун кӀийле. Тхо хьежаш да шуга коталонца, могаш долаш цӀенах кхетарга сатувсаш!
