Юридически оагӏонца дувзаденнараш къоастаде гӏо дир, Магӏалбикерча СВО доакъашхошта
Юридически оагӏонцара цхьацца хаттараш дашхара, къоастадара тӏехьа тӏема операце доакъашхошта гӏо деш хилар Магӏалбике. Из хоам «Сердалога» бера цу моттигера.
Паччахьалкхен оагӏонгара новкъостал доацаш, бисанзар укх наькъа а бӏухой. СВО доакъашхошта къувлараш фуд тохкаш хилар «Даьхен лорабой» яхача ганза болхло Коазой Хьамид, республикерча «Россе эпсараш» яхача Ерригача Россе юкъарлон оагӏонцарча моттига болхло Галай Руслан. Юридически оагӏонца дувзаденна мел дола цар хаттараш доашхаш, тӏема аренашка де доацаш байнарий гӏулакха тӏехьа хила дезар хьалхадоахаш, болх дӏабихьар шахьаре. Цхьаккха а хаттар, лоткъам терко ца еш бусаргбац.
«Иштта йола кхетаченаш тахан лоархӏаме я. Тӏема операце ветеранашта, ӏаьдала болхлошта юкъе бувзам хила беза массахана, цар вахарера кхоачамбоацараш дикагӏа довзаргдолаш»,- аьлар Коазой Хьамида.
