Жӏайрахье дарба деш хургва, СВО доакъашхо Аржеваров Адам
14.04.2026 09:11
Тӏема операце доакъашхочун Жӏайрахьарча дарбанче ха яккха аьттув хургболаш, къахьийгар мехка. Ший дегӏа могашал меттаоттаеш хургва цига Аржеваров Адам.
«Цига дарба де из ӏовужавеш лийннараш ба «Даьхен лорбой» яхача ганза Магӏалбика кхален моттигера болхлой. Тӏема аренашка лозаваьв бӏухо, дарба эш цун. Жӏайрахьа кхален дарбанчен кулгалхошца бувзаме баьнна, сиха вӏаштӏехьадаьккхар бӏухо цига ӏовужавар», - дийцар тха газетага цу моттигера.
