Гӏалгӏайчен боксёраша дото, борза совгӏаташ даьхар; мехка Хьалхале къайсача
Гӏалгӏайчен спортсменаша республике дото, борза совгӏаташ дера 13-14 шу даьннача ондаргашта юкъе боксах йола Россе хьалхале яккхара яхьашка дакъа лаьца, яхаш, дийцар «Сердало» газетага ГӀР бокса Федераце зарбан болх лелабераша.
«Йоккхий яхьаш дӏайихьар 2026 шера, маьтсела бетта 14-ча денгара 24 денга кхаччалца Московски областа Одинцовски кхален «Покровское» парке-отеле. Янданаькъан Рамазан котваьлар шийца латаш хиннача кхаь спортсменал, бакъда юххера латаш хинначунгара ийшар, из бахьан долаш 75 кг дозал дарашта юкъе цо даьккхар дото совгӏат.
Бобхой Мухьмад диазза латаш хилар, 50 кг дозал дарашта юкъе цо кхоалагӏа моттиг яьккхар. Спортсменаш турнирашка кийчбеш хилар Амсадой Темарлан, Овшанаькъан Ахьмад», - аьлар хоамо.
Тхоца къамаьл даьчо яхачох, республикан тӏоарска кулгахйоаллорга говзанчаш накъабоа-хаш хилар, 13-14 шу даьннача боксах йолча Гӏалгӏайчен тоабан воккхагӏа вола тренер Чахкенаькъан Ислам.
