Дезала доагӏа ахча хьаийцад вай мехка 12 эзар совгӏа болча даьша, ноаноша
Россе Вахара ганза оагӏонгара хӏара шерара ахча хьаийцад вай мехка 12 эзар совгӏа болча дезалаша. «Сердалога» из хоам бир моттигерча Паччахьалкхено. Балха тӏа бараша цу гӏулакха дехар чудала йиш я ардара бетта 1-гӏа ди тӏакхачале Госуслугий, МФЦ е СФР моттигашка гӏолла.
Дукхагӏа дола каьхаташ ганзо ше хьагулдеш да.Герзашцарча низий Министерстве, МЧС, Росгварде, ФСИН, ФССП болх бечар гӏулакхах дар ше хьатӏадоагӏа - дехар чулуш волчо ший мохк, болх бу моттиг белгалъе мара езац.
Хӏаьта МВД, ФСИН, иштта кхыйолча моттигашка къахьегараша шоаш оттабе беза шоай алапе боарам. Дехар тӏа шоаш болх бу моттиг белгалъяь итт ди далале, дӏадахача шера шоай хиннача алапех дола каьхат хьада деза цар СФРе. Цу юкъа сага болх бу моттиг хийцаяле, цхьа дехар да чудала дезар - Вахара ганзо массадолча оагӏонашцарча НДФЛах дар ше къоастадергда.
