Магас Маркете 160 эзар сом ахча гулдир мехкарча КДЛ
160 эзар сом совгӏа ахча гулдир «Дикача наьха клуб» яхача гӏо деча ганзо Магас Маркете.
«Маьтсела бетта 8-ча денгара 10-ча денга кхаччалца дукха адам гулденна моттиг хилар керттерча шахьаре. Хьалхарча дийнахьа 65 346 эзар ахча гулде аьттув баьлар ганза тоабан. Шоллагӏча дийнахьа 72 700 эзар сом ахча гулдир (11 700 загата лаьрхӏар юкъе долаш).
22 727 сом ахчах хӏамаш йохка аьттув баьлар цар тӏеххьарча дийнахьа. «Дикача наьха клуба» доакъашхоша шоаш терко лоаттаеча мискача наха гӏандаш, метташ, истол, хӏамаш ютта машин, кхача бӏохабеш йола микроволнови оала пишк, иштта кхыйола хӏамаш эцаргья цу ахчах», - дийцар тха газетага.
«Баркал хилда дакъа лацарах, оагӏув хьаллацарах! Аллахӏа диканца бекхам баь рузкъа лоаттадолда шоана! Из деррига оаха теркалдеш, хам беш да», - аьлар ганза кулгал деча Матенаькъан Натас.
