Грэпплингах дола судхой сертификаташ делар, 20 совгIа болча вай тренерашта
02.04.2026 08:51
Грэпплингах дIайихьача семинаре, 20 совгIа болча вай тренерашта, судхой сертификаташ делар. Из хоам «Сердалога» бир Минспорта зарбан болх лелабеча ГIаппархой Аишас.
«Вай мехкарча спортацарча латарах йолча Федераце вице-президент вола Хазанаькъан Назир хьалхаотташ дIайихьар из семинар. Вай мехкарча спорта оагIон судхой цу даькъера говзал лакхъеш хилар из гIулакх. Доакъашхошта хьалхашка лектор хинна къамаьл даьр вар грэпплингах йолча Ерригача Россе федераце керттера судхо Тихоглазов Алексей.
25 тренера сертификаташ луш, Шолжа-ГIалий тIа дIаяхьа лерхIача грэпплингах йолча СКФО яхьашта уж юкъехьош, чакхбьлар из болх».
