40 километр газ дӀатӀахьош я «Аьрзи» яхача ГӏалгӀайчен лоаман лагере
ГӏалгӀайче ший аргӀагӏа газ чуюллаш латт республикан тайп-тайпарча даькъ тӀа, гӏишлошка. ЛоархӀамеча декхарех цаӀ да – 43,2 км газ чуйиллар «Аьрзи» яхача лагере, яхаш, дийцар «Сердало» газетага ГӏалгӀай Республикан Кулгалхочун зарбан болх лелабераша.
«ХьалхагӀа из лагерь болх беш хиннай токаца. Газ чуйиллачул тӀехьагӀа, «Аьрзи» тӀаэца таро йолаш хургья бӀарччача шера бераш, туристаш, хӀаьта цигара салаӀар ший тайпара хьалаш долаш хургда.
2025 шера, Кавказа инвестицей гулламе са вӀашагӀкхетар хилар «Газпром межрегионгаза» керттерча кулгалхочунца Густов Сергейца. Оаха мах оттабир мехка газ чуйиллара программанна, иштта дийцар лагере газ чуйилларах», - аьлар мехка кулгалхочо Келаматанаькъан Махьмуд-Ӏаьлас, цу дикача балхах дувцаш.
Балха тӀехь чӀоагӀдаьд газацара хьал 2027 шера чакхдаккхар, цо гӏо дергда Жӏайрахьа кхален берригача бахархошта газацара таронаш хьаелла, цул совгӀа лагерь а бӀарчча шера ден-бус болх беш хургья, дӀадодаш дар а лорадеш.
«Сона лоархӀаме я из проект. «Аьрзе» газ чуйилларах таро хургья атта а, цох пайда эцаш а из лелае. Цо тоадергда берий салаӀара хьал, цунца цхьана хьакхолларгья балха керда таронаш», - аьлар Макшарипа Махьмуд-Ӏаьлас.
