ЦУРЕе дӏадахача кӏира кхаьчача дехарех ахаш совгӏа дараш ЖКХ дувзаденна дар
17.08.2026 14:10
Дӏадахача кӏира мехкарча ЦУРе кхаьча бахархошкара дукхагӏа дола дехараш ЖКХ оагӏонцара дар. 138 дехар да нахагара цига кхаьчараш.
«Сердалога» ЦУРе беча хоамах, цул хьалха дахача кӏирага диллача, 7% - га кхоачаш кӏезигагӏа да дехараш. 71 дехар да ЖКХ оагӏонцарча кхоачамбоацарашца дувзаденна хиннараш. Юкъарча боарамга диллача 51% хул цох.
Шоллагӏча моттиге отт мехкарча наькъашца дувзаденнараш - 21 дехар (15%), цхьацца моттигаш тоаярца дувзаденнараш – 15 (11%), тока оагӏонца дувзаденнараш – 13 (9%).
Эггара дукхагӏа дехараш Наьсарера кхаьчад - 73 (53%) республикерча берригача боарамга диллача. Хӏара дехара боаггӏача боараме тохкам бергба мехка.
