Долакха-Юртарча латархоша толамаш даьхар, ахкан Спартакиадан 1-ча даькъ тӏа
Долакха-Юртара спортсменаш толамаш даьхар 16 шу даьннача ондаргашта юкъе дӏахьош хиннача ший лоӏамеча латарах йолча ахкан Спартакиаде, яхаш, дийцар «Сердало» газетага цу берий викалаша.
«Доккха спорта цӏай дӏадихьар Магӏалбике аьтинга бетта 2-3-ча деношка. Долакха-Юртарча Берий-ондаргий спортивни ишкола дешархоша, шоашта керте тренер Гаркхой Шамал а волаш, кхо совгӏат даьккхар. Осменаькъан Мансура (68 кг), Коазой Мухьаммада (100 кг) хьалхара моттигаш яьхар. Шакренаькъан Хьамзата даьккхар «борза» совгӏат, дозал 44 кг долаш», - аьлар хоамо.
Уж спортивни яхьаш вӏашагӏъехкай, Спартакиаданна чуйоагӏаш, уж лаьрхӏа я ший лоӏаме латара оагӏув йоаржаяра, начӏал дола спортсменаш белгалбара, цар спортивни говзал лакхъяра, республикашта юкъера доттагӏала бувзамаш чӏоагӏдара.
