Долакха-Юртарча латархоша 13 майдилг яьккхар Нохчий республике яхьаш дӏахьош
Долакха-Юртарча спортсменаша, тренера Гаркхой Шамала хьехамца 13 майдилг яьккхар Йийлла республикански яхь дӏахьош Нохчий республике, яхаш, дийцар «Сердало» газетага спортсмена лаьрххӏача викалаша.
Саькура бетта 7-ча денгара 8-ча денга кхаччалца, начӏал дола 10-16 шу даьнна латархой яхьашка дакъа лоацаш хилар. Берий, ондаргий спортивни ишколе ӏомабеннача цар даьккхар 4 дошо, 3 дото, 6 боарза совгӏат.
Манкенаькъан Адам, Баркинхой Ювсап, Шакренаькъан Хьамзат, Манкенаькъан ӏаддал лакхарча лагӏа тӏа эттар. ӏалбаканаькъан Саӏид, Бештой Жабраил, Манкенаькъан Рахьман дӏачӏоагӏбелар шоллагӏча моттиге. Борза майдилгаш яьхар Гӏазакханаькъан Расула, Гаркхой Ибрахӏима, Зурабанаькъан Хьамзата, Зурабанаькъан ӏаддала, Магомадовгӏар Ясина, Шовхаланаькъан Ахьмада», - аьлар хоамо.
