Селий мехка дӏайихьача яхьашка, белгалбаьлар Гӏажарий-Юртара спортсменаш
27.02.2026 09:38
Къилбаседа Кавказа эллиной-румий оалача латаре белгалбаьлар Гӏажарий-Юртара спортсменаш. Из хоам «Сердалога» бера Шолжа кхален администрацера.
«Саькура бетта 24-ча денгара 25-ча денга кхаччалца Алиев ӏаьлий цӏерах йолча спорта Двореце гулвеннараш ворхӏ мехкара 200 совгӏа спортсмен вар. Россе яхьашта юкъеваха ловш, беррига низ ӏобилла, къовсавеннавар хӏаравар. СВО доакъашхо, Россе Турпал волча Набиев Энвера хетаяь яр уж яхьаш.
Гӏажарий-Юртарча спортсменаша ши майдилг яьккхар цига. Балайнаькъан Мухьмад лакхерча лагӏа тӏа ваьлар, хӏаьта Эльбазовгӏар Адама борза майдилг яьккхар», - дийцар тха газетага. Уж кийчбаь тренер ва Йовлой Заьлмаха. Каспийске котало яккхарах, Россе яхьашка дакъа лаца йиш йолаш хургба вай мехкахой.
