Янданаькъан Мурада Сибрен федеральни куран латархой Хьалхале яьккхар
28.01.2026 21:32
Эллиной-румий латара ишколе Ӏомалуш вола Янданаькъан Мурад хьакхайкавир Сибрен федеральни куран Хьалхален толамхо санна, яхаш, дийцар «Сердало» газетага ГӏалгӀай Республикан спортивни латара Федераце.
«Барнауле дикагӀчарна юкъе хилара бокъо йоаккхаш хилар 21 шу даьнна кагирхой. Янданаькъан Мурад Ӏомалуш ва «Ади-Ахьмад» спортивни клубе, цо хьалхара моттиг яьккхар, 63 кг дозал дарашта юкъе. Вай мехкахочоа елар дошо майдилг, иштта российски хьалхале йоаккхача ваха бокъо. Саькура бетта 25-ча денгара тушола бетта 1-ча денга кхаччалца, вай мехкахо хургва Ямало-Ненецки куран доазон тӏа дикагӀчарна юкъе къовсам дӏахьош», - аьлар хоамо.
