Бокъо йоацаш увттаяь боангаш корайир, хьун хьал лорадерашта
Магӏалбика кхален хьунашкара хьал тахка арабаьлар цу оагӏонцара болхлой, цу гӏулакхах йолча моттига керте латташ вола Евкуранаькъан Аслан хьалха волаш. Из хоам «Сердалога» бера цу моттигера.
«Рейд дӏахьоча дакъа лоацаш хилар ӏалама гӏулакхех йолча министерствон кулгалхочун гӏонча ӏарчакханаькъан Ахьмад. Тоаба гучадаьлар гаьнаш тӏа бокъо йоацаш оттаяь хӏамаш йолга. Царна юхе солярка хьийкха бӏоагӏий дар. Из хӏама леладеш да хьун хьайбаш гарга доаладе, къаьстта нал ӏехабаь юхебоалабе деш да из», - дийцар тхога министерстве.
Хьунагӏа дахача хьайбашта, оакхарошта ялат тессар арабаьннараша. ӏан шийла денош латтача хана, чӏоагӏа эшаш да иштта дола гӏулакх. Министерствон болхлоша бахархошка кхайкарал ду, боккъал а лорае хьун моттигаш, хьун боахама зе хургдола хӏамаш ма леладе!
Хьунаш Дала вайна хьаденна доккха совгӏат да! Бокъо йоаца хӏамаш хьун моттигашка леладерашта доккха гӏод тохаргда!
