Мехкарча Паччахьалкхен архива болх бовзаш ба хургбола историкаш
Мехкарча Паччахьалкхен архиве экскурси дӏайихьар ИнгГУ исторически факультете деша багӏача студенташа. Йоккхача архива болх бовза, цхьаццадараш тахка аьттув бар кхоана историкаш хинна дӏаотта безарий.
«Мехкарча архивни ганзашкара болх бовзар, кхоана боккхача новкъа баьнна къахьега дезача студенташта чӏоагӏа эшаш да. Республикан юкъара-политически, вахара- экономически хьалаца дувзаденнараш довзийташ дола каьхаташ гойтар студенташта, иштта тематически гойтама стендаш.
Паччахьалкхен архива ӏилман-хоамий балхах, каьхатех болча оагӏон кулгалдеча Ужахьанаькъан Бек-хана студенташта дийцар, мехка архивни болх дӏаболабар мишта хилар, паччахьалкхен оагӏонца лоархӏаме дола каьхаташ лорадара гӏулакх мишта латташ да», - аьлар «Сердалога» республикерча Паччахьалкхен архиве.
Университета, архива юкъера бувзам чӏоагӏбеш дола гӏулакх да из. Шоай дешарца, дийша баьнначул тӏехьгӏа дӏахо балхаца эшаргдола, ца хайча даргдоаца хӏамаш довза аьттув ба студентий тахан.
