Хургболча нах хатарех кӏалхарбоахачар Даьхенцара безам кхебу
Гӏалгӏай мехкарча хургболча нах кӏалхарбоахачарна Даьхенцара безам, иштта бӏухой лерхӏам хилар хьалхадоаккх. Даьхенна Турпалхой Ди хиларца дувзаденна, Лаьрххӏача тӏема операце ветеранаша Шоанахой Муслима, Чӏасанаькъан Акромана цӏерца къовсам лоаттаберий колледжа студенташца къамаьл дир, яхаш, дийцар дешара моттига администраце.
«Тӏема ветеранашца, кастлуш наьха кхерамзле лорае отта безача кагирхой къамаьл кхетам балара тӏехьа доагӏаш дар. Дешархоша дика кхетадир, ноахалгара ноахалга доалаш, Даьхен истори леладе дезара бахьан малагӏа да, иштта воккхагӏвар лархӏар, Даьхе езаш хилар мел лоархӏаме да. Цар дийцар боккъонца бола турпалхой мишта хул, цар оамалех. Чӏасанаькъан Акромана къонача дешархошта дийцар Даьхе лораеш латтача бӏухой деналах, цар исторех», - аьлар хоамо.
