Магасерча бахархошца бувзам лоаттабаро гӏо ду бе-бе дешаш къестаде
26.02.2026 10:58
Магасерча администрацеца бахархошта бувзаме хила аьттув луча чата тахан доаржадер доккха дика да. «Сердалога» цох лаьца дийцар мэре болхлоша.
«Хоам кхаьчар, Гаьгенаькъан Б., Чахкенаькъан С. цӏерах дола урамаш вӏашкаоттача цемата маркхал ӏобахаб, аьнна. Цу миноте арабаьннача наькъашкарча болхлоша бӏехъенна моттиг цӏенйир», - йоах тхога бенача хоамо. Белгалде деза, цу тайпарча кхоачамбоацараша наькъашкара хьал геттара халача доаккхилга.
Цхьацца йолча моттигашка шераш доахаш латташ хул иштта нийсденна хӏама, кхерамзлен хьал толхадеш, цунга хьежжа, чӏоагӏа фийла болаш, ханнахьа моттигерча хьакимашка хоам бар лоархӏаме да.
