25 шу хьалха хьакхеллай «Аьрзи» яха Паччахьалкхен заповедник
Ший 25 шу дизара юбилей езъеш я Гӏалгӏайчен «Аьрзи» яха заповедник. Из улл Йоккхача Кавказа Къилбаседа дукъ тӏа. Из къаьстта лораеш йола лоаман даькъ тӏара лоархӏаме моттиг я. Башха доккха доазув дӏалоацаш еце а, «Аьрзи» хьагойташ я ший тайпара дукха оагӏонаш. Укхаза цаӏ шоллагӏчоа тӏехьа хувцалуш я ший тайпарча баьца лоаман аьлеш, шера гӏаьнаш дола хьунаш, цу юкъе корсама гаьнаш а йолаш, лакхача лоамий ший тайпара бесаш дола альпийски аренаш.
«Ткъаь пхиъ шу хьалха Россе доазон карта тӏа яьлар ший тайпара, къаьстта лораеш йола вахара оагӏув, из я Къилбаседа Кавказа ӏалам лорадара йола тешшаме чӏоагӏо. Къаьстта «Аьрзе» говзанчех тийша да из лоархӏаме гӏулакх - ӏалама хьал а лорадеш, экологически туризма эшар хьакхоллар», - аьлар ӏалама тароний, Россе экологе министра Козлов Александра.
Жӏайрахьа-Ахабоарзен чукхийтта моттиг - из я, Къилбаседа Кавказа мехка биологически мах барех лоархӏаш йола моттиг. Цун ӏалама таронаш ший тайпара хилар гойташ йола оагӏонаш цига дукха я. ӏалам лорадара чудоагӏаш укхаза чӏоагӏа тӏахьожам болаш да 114 хьайба, иштта 53 тайпара баьцовгӏаш, царна юкъе дӏадалар кхерам бола, наггахьа мара нийслуш доаца тайпаш да.
«Аьрзи» яха заповедник Кавказа культуран, ӏалама хозала белгало я. Цун 25 шу дузаш хилар – баь болх лархӏарал совгӏа, хургйолча тӏехьален мах бараш лорадара керда проекташ хьакхоллара бахьан а да.
