Цхьа бер юкъе долаш, виъ саг лозавир Наьсарерча наькъ тӏа хиннача хатаре
11.11.2026 10:11
Селхан сайрийна ши машин вӏашкакхеташ, хатар хиннад Наьсаре. Виъ саг лозаваьв цига, цхьа бер юкъе долаш. «Сердалога» из хоам бера МЧС болхлошкара.
Мутаӏаланаькъан цӏерах болча ураме хатар хиннад аьнна хоам «112» оагӏонга кхаьчар, ийслагӏа сахьат доладеннача хана. «Аьрзи» яхача тоабан болхлой бар цига баха арабаьннараш.
«Лада Гранта», «Лада Веста» яха машинаш яр вӏашкакхийттараш. Машинашка баьгӏараш берригаш лозабаьб. Лорий машинаца дарбанче ӏочубигар уж сихонца. Бер дӏачудигар берий дарбанче, хӏаьта боккхийбараш республикерча клинически дарбанче.
ПСО «Аьрзи» болхлоша, шоай гӏулакх чакхдоаккхаш, ха яьккхар цига. Хатар нийсдалара бахьанаш тохкаш да ӏаьдал.
