«Хьу лораергья» яха болам дика юкъебоаккхаш латт Гӏалгӏайче
01.04.2026 12:14
Берригроссийски боламе дакъа лоацаш я Магас-Шахьара администраци, яхаш, дийцар «Сердало» газетага республикан столицан мэре.
«Шолже – Гарагорск наькъа йисте гӏолла 200 кӏарцхала га дӏаегӏар. Гаьнаш дӏайогӏаш говзанчаша дӏалоархӏ уж дӏалатара дола ӏалама хьал. Из цӏаькха а экологически цӏена хьал хьакхоллара йола таро я», - аьлар хоамо.
Республика баьццаръерзаяра болх кхы а дӏахо дӏахьош ба. Хьалхагӏа, ГӏР Кулгалхочо тӏадиллача декхарах 30 км болча наькъ йистошка даим ягӏаргйолаш дӏайийра 2500 къона кӏарцхала, къахььэсте гаьнаш.
Ха дӏа мел йода цар хоздергда наькъа йистера доазув.
