Магаса ЦКСиТ дакъа лоацаш я; спорта, унахцӀенон Итт денна юкъе
Магас-Шахьара культуран, спорта, туризма Центр дакъа лоацаш я, Российски Федераце Президента Владимир Путина могадаь спорта, унахцӀенон Итт ди дӀахьоча. Доал деча даькъ тӀарча урхаллено вӀашагӀъеллар дешархошта юкъера доттагӀала шиъ кхетаче, яяхаш, хоам бу «Сердало» газетага ЦКСиТ.
«Центра декхар да – каст-каста спортивни болх дӀахьош хилар республикан дешара моттигашка, цига кхайкадар, доаржадар унахцӀена вахар леладар эшаш долга; иштта волейболах, армрестлингах йола спортивни тайпаш леладара хьал доаржадар. Цудухьа Магаса къонача футболисташа цу даькъ тӀа шоашта карагӀдоалар гойтар. Яхьаш дӀайихьар шоай доалахьарча тоабай кепара, хьалхагӀа ийшар юкъера ара а воалаш. Къовсам чакхбаьлча, дикагӀа лайзарашта грамоташ, майдилгаш елар», - аьлар тхоца къамаьл даьчо.
ЦКСиТ кулгалхочун гӀончас Янданаькъан Абте яхачох, спорта, унахцӀенон Итт дено нах сомабоах, цу гӀулакха тӀехьа хургболаш; дешархой, студенташ, пенсионераш, ветеранаш, лаьрххӀача тӀема операце доакъашхой - массайолча хана спортаца дувзаденна хургдолаш цар вахар, из тоадар духьа.
