Гӏалгӏайчен бахархой корзагӏбаьха аргӏанара хоам харцахьа хилар белгалдир ЦУРо
Вахара бувзамашка боаржабеш ба, республике кердадараш юкъедоахаш хиларах бола харцахьара хоам. Гӏалгӏай Республикан даькъ тӏа сага могашал миштай хьожаш, электронни зӏанараш лелаеш, «МАХ» мессенджерашка беррига бахархой боахаш дола хьал юкъедоаккхаш да яха харц хоам боаржабеш ба. Гӏалгӏай мехка кулгал дара Центро из сиха теркалдир, из бакъ цахилар кхайка а дир.
«Карарча хана цу тайпара цхьаккха хьалаш юкъедоахаш бола соцам бац Гӏалгӏай Республикан даькъ тӏа, зӏанараш лелаяр, таьрахьашца могашал йий хьажар, кхыдола, саг декхарийла оттавеш дола хьал юкъедаьннадац. Гӏалгӏайчен ЦУРо тӏахьех бахархой, из санна болча хоамах цатешара, из лаьррхӏа бола хоам бий хьажара», - аьлар «Сердало» газетага.
Шоашта ца ховш дола къамаьлаш, хоамаш юкъедахаро, бахархой корзагӏбоах, дика доаца хьал юкъедоал сага вахара. Из бахьан долаш шоашта бохам ца боаккхаш, цкъа хьалхагӏа боккъонца бола хоам из бий хьажа деза. Цу тайпара хоам лаьрххӏача ӏаьдала сайта тӏа хургба.
