Гӏалгӏайчен ЦУРо хьахайт, Жӏайрахьа кхалера хьал чоалхане да яхилга бакъцахилар
21.05.2026 11:40
Чӏоагӏа догӏаш делхарах, Вӏовнашке гӏалай комплекса даькъ тӏара хьал чоалхане да, яхаш, баь хинна хоам бакъцахилар лаьрххӏа белгалдир мехка хьала доал деча Гӏалгӏай Центро. Бувзама оагӏонашка, мессенджерашка боаржабеш бар сагота хоам: «Вӏовнашкара никъ хиво ӏохьош ба», хӏаьта Жӏайрахьа кхален хьал унзарчарех да, яхаш.
«Дӏа-юха тувсаш долча сурта тӏара дар Гӏалгӏайчен доазув дац. Хьалхагӏа Вӏовнашкен наькъа цхьа дакъа ӏодихьа хилар белгалдир. Цул тӏехьагӏа, кхы хӏама хувцаденнадац. Уж хоамаш харцахьа да», - аьлар «Сердало» газетага Гӏалгӏайчен ЦУРо.
Тхога хоам баьраша республикан бахархой тӏахьех, цу къамаьлех ца тешара. Цу харцахьарча хоамо нах кегабу, цар саготду.
